ԿԻՆ: Հիվանդություններ
Կրծքագեղձի գոյացությունը, որն` ըստ մամոգրաֆիայի, ունի չարորակ լինելու բարձր ռիսկ, միշտ չէ, որ քաղցկեղ է. կրծքագեղձի աուտոիմուն հիվանդություններ. nairimed.com
![Կրծքագեղձի գոյացությունը, որն` ըստ մամոգրաֆիայի, ունի չարորակ լինելու բարձր ռիսկ, միշտ չէ, որ քաղցկեղ է. կրծքագեղձի աուտոիմուն հիվանդություններ. nairimed.com Կրծքագեղձի գոյացությունը, որն` ըստ մամոգրաֆիայի, ունի չարորակ լինելու բարձր ռիսկ, միշտ չէ, որ քաղցկեղ է. կրծքագեղձի աուտոիմուն հիվանդություններ. nairimed.com](up/article/big/file_52495_4134374.jpg)
Չնայած կրծքագեղձի աուտոիմուն հիվանդությունները հազվադեպ են հանդիպում, սակայն նրանց մասին իրազեկվածությունը, ախտորոշման ու բուժման մասին գիտելիքները ծայրահեղ կարևոր են` կրծքագեղձում նման օջախ ունեցող հիվանդներին ճիշտ բուժելու համար:
Այնուամենայնիվ, տարբերակիչ ախտորոշման ժամանակ կրծքագեղձի քաղցկեղը միշտ պետք է խստորեն առանձնացնել կրծքագեղձի այս աուտոիմուն հիվանդություններից. գինեկոլոգ Անժելա Լեխլյան:
Համառոտ թվարկենք հիվանդությունների խումբը.
Դիաբետիկ մաստոպաթիա
Դիաբետիկ մաստոպաթիան հաճախ կրծքագեղձի անցավ, շոշափվող գոյացություն է, որը կարող է լինել նույն կրծքագեղձում` մեկ, կամ` բազմակի, կամ ի հայտ գալ երկու կրծքագեղձում: Դիաբետիկ մաստոպաթիայի մամոգրաֆիան առանձնահատուկ չէ և շատ հաճախ նմանակում է քաղցկեղին: Այս պարագայում կրծքագեղձի ՄՌՏ հետազոտությունը նույնպես ախտորոշիչ դերակատարում չունի:
Դիաբետիկ մաստոպաթիա` շոշափվող գոյացության սոնոգրաֆիան ցույց է տալիս վատ ձևավորված զանգված` նման ցածր էխոգենությամբ օջախի, առանց այլ առանձնահատկությունների:
Ախտորոշումը ճշգրտվում է բիոփսիայի հյուսվածքի միկրոսկոպիկ հետազոտությամբ: Դիաբետիկ մաստոպաթիան հանդիպում է առաջին տիպի շաքարային դիաբետով հիվանդների 13% դեպքերում: Շատ ավելի քիչ են դեպքերը երկրորդ տիպի շաքարային դիաբետ ունեցող տարեց կանանց շրջանում: Դիաբետիկ մաստոպաթիայի պատճառագիտությունը վատ է ուսումնասիրված, ինչևէ, այն երկրորդային, աուտոիմուն ռեակցիա է, աբնորմալ էքստրացելլուլյար ակկումուլյացիայի և ավելցուկ գլյուկոզիլացման, հիպերգլիկեմիայի արգասիկ են, որը գործում է որպես նեոանտիգեններ: Սրանք լիմֆոիդ B-տիպի բջիջների պրոլիֆերացիայի և աուտոհակամարմինների ձևավորման արդյունք են: Բորբոքային ներհոսքը կազմված է լիմֆոցիտներից և պլազմատիկ բջիջների փոփոխական քանակից: Т- և B-բջիջների հայտնաբերման մարկերները ցույց են տալիս B-բջիջների գերակշռում: Դիաբետիկ մաստոպաթիայի զարգացումը` բորբոքային հիպերգլիկեմիկ ներսփռանքի վաղ փուլից մինչև առավել խորը փուլեր, բնորոշվում են ֆիբրոզի ավելացմամբ և ներսփռանքի պակասումով: Բիոփսիոն նյութում իզոլացված պերիդուկտալ մոնոնուկլեար ներսփռանքի բջիջների առկայությունը վկայում է այս հիվանդության վաղ փուլերի մասին, և հնարավորություն է տալիս դիաբետիկ հիվանդության վաղ ախտորոշման` կրծքագեղձի բիոպսիայի միջոցով:
Կրծքագեղձի բիոպսիան ցույց է տալիս դիաբետիկ մաստոպաթիայի ժամանակ լիմֆոցիտիկ մաստիտի պատկեր: Հեմատոքսիլին-էոզին: 400 x խոշորացված օրիգինալ պատկերներ:
Շաքարային դիաբետի կլինիկայի առկայության պարագայում` դիաբետիկ մաստոպաթիայի հեռացման անհրաժեշտություն չկա: Այս ախտորոշումը ծայրահեղ կարևորություն ունի դիաբետիկ մաստոպաթիայով հիվանդների հետագա վարման գործում, քանի որ հյուսվածքային բիոփսիան կարող է չպահանջվել կյանքի հետագա հսկողության ժամանակ` կրծքում նմանատիպ փոփոխություններ կրկին առաջանալու դեպքում: Դիաբետիկ մաստոպաթիայով հիվանդների հյուսվածքային բիոփսիաների թվի նվազեցումն, իր հերթին, բերում է երկարատև լավացող վերքերի և վերջիններիս հետագա ինֆեկցիոն բարդությունների նվազեցմանը, ինչը շատ հաճախ է հանդիպում այս հիվանդների շրջանում:
Դիաբետիկ մաստոպաթիան կարող է նաև կապված լինել վահանաձև գեղձի խնդիրների հետ: Ախտորոշված` թիրեոիդ միկրոսոմալ հակամարմիններով, առաջին տիպի ՇԴ_ով և Հաշիմոտոյի թիրեոիդիտով հիվանդների մոտ, առկա են լիմֆոցիտիկ մաստոպաթիայի մի շարք դեպքեր: Սա ցույց է տալիս, որ կրծքի բիոպտատներում առկա պերիլոբուլյար բորբոքային ներսփռանքը կարող է հանդիսանալ աուտոիմուն թիրեոիդիտի վաղ ախտանիշ: Հիվանդության վաղ ախտորոշումը մեծ դրական անրադառծ կունենա հիվանդի հետագա վարման վրա:
Սարկոիդոզ
Սարկոիդոզը համակարգային գրանուլոմատոզ բորբոքում է` անհայտ ծագման էթիոլոգիայի, որը կարող է տարածվել բազմաթիվ օրգաններում, օրինակ` լիմֆատիկ գեղձերում, թոքերում, մաշկում և հոդերում: Կուրծքը սարկոիդոզով ախտահարվում է հազվադեպ: Օջախը կրծքագեղձում կարող է լինել շոշափվող, կամ երևալ մամոգրաֆիկ նկարներում: Մամոգրաֆիան ցույց են տալիս ասիմետրիկ խտության հանգույց կամ արխիտեկտոնիկայի այնպիսի խախտումներ, որոնք բնորոշ են չարորակ գոյացություններին: Բոլոր հասանելի այլ հետազոտություններից զատ, անհրաժեշտ է բիոփսիա` ախտորոշումը հստակեցնելու համար, այն դեպքերում, երբ ժխտված են իդիոպաթիկ գրանուլոմատոզ մաստիտը, տուբերկուլոզը, կատվի-ճանկռածքի հիվանդությունը (Bartonella henselae), սնկային վարակը և այլ աուտոիմուն հիվանդությունները: Հիմնական բուժումը կորտիկոստերոիդային է:
Լուպուս
Լուպուս-մաստիտը համակարգային լուպուս էրիթեմատոզ պրոֆունդուսի կամ լուպուս պեննիկուլիտիսի հազվադեպ դրսևորումներն են: Սա աուտոիմուն խանգարում է, որը բուժվում է իմունոսուպրեսիվ թերապիայի միջոցով: Կարող է հանդես գալ մեկ կամ բազմակի ենթամաշկային զգայուն կամ ցավոտ կրծքագեղձի գոյացությունների ձևով, որոնք հետագայում կարող են խոցոտվել: Մամոգրաֆիկ հետազոտությունը հնարավոր է պատկերի կալցիֆիկացիայի դաշտեր: Միկրոսկոպիկ հետազոտությամբ բնորոշ է լիմֆոցիտիկ բլթային պանիկուլիտ` հանգուցային, տարածված կամ պերիդուկտալ լիմֆոպլազմատիկ ներսփռանքով: Հազվադեպ դեպքերում այս համակարգային հիվանդության առաջին դրսևորումը կարող է լինել լուպուս-մաստիտը: Բիոփսիայի քննության տվյալները նպաստում են համակարգային լուպուսի վաղ ախտորոշմանը: Կլինիկապես առկա է բուժական արդյունավետություն անտիմալարիալ դեղերից կամ կորտիկոստերոիդային թերապիայից: Ոչ արդյունավետ դեղորայքային բուժման դեպքում բուժումը վիրահատական է:
Վեգեների գրանուլոմատոզ
Վեգեների գրանուլոմատոզը կարող է հանդես գալ միակողմանի կամ երկկողմանի` կրծքագեղձի շոշափվող գոյացությունների տեսքով` մեռուկի, թարախակույտի ձևավորմամբ կամ խոցոտման առկայությամբ: Բնորոշ մամոգրաֆիկ դրսևորումներ չունի, և ախտորոշումը հիմնվում է կլինիկական արտահայտվածության և հյուսվածքի բիոփսիայի տվյալների վրա: Միկրոսկոպիան հաճախ ցույց է տալիս միջին տրամաչափի անոթների անոթաբորբի պատկեր` մեկտեղված մեռուկի և գրանուլոմատոզ ներսփռանքի հետ: Իմունասուպրեսիվ թերապիան հիմնական բուժման եղանակն է: Ոչ արդյունավետ դեպքում հնարավոր է կրծքագեղձի հեռացում` մաստէկտոմիա:
Հսկա-բջջային զարկերակաբորբ
Հանդիպում է հազվադեպ է: Հսկա-բջջային զարկերակաբորբն ախտահարում է դաշտանադադարային շրջանի կանանց` առաջացնելով կրծքագեղձի եզակի կամ բազմակի ուռուցքներ, որոնք երբեմն ուղեկցվում են կարմրությամբ և ցավով: Վերջինս փոխկապակցված է ընդհանուր ախտանիշերի հետ` սուբֆեբրիլ ջերմություն, մկանացավ և հոդացավ: Տարբերակիչ ախտորոշումն իրականացվում է հյուսվածքների բիոփսիայի միջոցով: Երբեմն կլինիկական ախտանիշները և սոնոգրաֆիկ ճաճանչանման ախտանիշերի առկայությունը բավարար է հիվանդության ախտորոշման գործընթացում: Ախտահյուսվածքաբանական քննությունը ցույց է տալիս էլաստիկ թելիկների պատռում, հսկա-բջջային ներսփռանք և անոթների պատերի այտուց: Կորտիկոստերոիդները բուժման հիմնական ընտրությունն են:
Նոդոզա պոլիարտերիտ
Հանդիսանալով համակարգային բորբոքային խանգարում, Նոդոզա պոլիարտերիտը երբեմն կարող է գործընթացի մեջ ներգրավել կրծքագեղձի մաշկը և/կամ պարենքիման` նմանակելով չարորակ գործընթացին կամ բորբոքմանը` մաստիտին: Մամոգրաֆիա. հնարավոր է զարկերակների կալցիֆիկացիաների առկայություն կամ կարող է լինել նորմայի սահմաններում:
(A) (B)
Երկկողմանի մամոգրաֆիան ցույց է տալիս զարկերակների բարորակ կալցիֆիկացիաններ: (A) Աջ մեդիոլատերալ թեք պատկեր, ցույց է տալիս զարկերակի կալցիֆիկացիա (սլաք)` և կրծքամկանը: (B) Ձախ մեդիոլատերալ թեք պատկեր, ցույց է տալիս զարկերակի կալցիֆիկացիա (սլաք):
Բիոպտատների միկրոսկոպիկ քննությունը ցույց է տալիս զարկերակների մկանային շերտի տրանսմուրալ (ամբողջ պատի ներգրրավմամբ), սեգմենտալ բորբոքում, բորբոքային ներսփռանք նկատվում է նաև ֆիբրինոիդ նեկրոզի օջախներում: Արդյունավետ է իմունասուպրեսիվ թերապիան` կորտիկոստերոիդներով:
Ամիլոիդոզ
Սա համակարգային ամիլոիդոզի հազվադեպ հանդիպող դրսևորում է կրծքագեղձում: Կարող է հանդես գալ որպես կրծքի գոյացություն կամ արտահայտվել մամոգրաֆիկ հետազոտությամբ: Միկրոսկոպիկ քննությամբ առկա է հիալինային ամորֆ մատերիալ, որը ներկվում է կոնգո-կարմիրով, ինչը ախտորոշիչ գործոն է ամիլոիդոզի դեպքում:
Անժելա Գևորգի Լեխլյան, գինեկոլոգ, «Նաիրի» բժշկական կենտրոն
![](images/calendar.png)
Կարդացեք նաև
![Էնդոկրին համակարգի խանգարումները կանանց մոտ. morevmankan.am Էնդոկրին համակարգի խանգարումները կանանց մոտ. morevmankan.am](up/article/small/file_63374_4054380.jpg)
Էնդոկրին համակարգի յուրաքանչյուր խանգարում (հորմոնի ավելցուկային կամ թերի արտադրություն), հորմոնների միջև հավասարակշռության ցանկացած խախտում կնոջ օրգանիզմում կարող է առաջացնել...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հիվանդություն, որի համար պետք չէ ամաչել (թութք)
-
Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն